เพลงโฟล์คซองล้านนา

เพลงน้อยไจยา

เพลงเสเลเมา

เนื้อเพลงน้อยไจยา

       (ชาย) ปวงดอกไม้เบ่งบานสลอน ฝูงภมร ภู่เผิ้งสอดไซร้  ดอกพิกุลของเปิ้นต้นไต้  ลมปั้ดไม้มาสู่บ้านตู๋ ฮู้แน่ซัดเข้าสอดสองหู  ว่าสีจมปู ถูกป้อมเก๊าเนิ้ง เก๊ามันต๋าย ป๋ายมันเสิ้ง ลำกิ่งเนิ้ง ต๋ายโก้นตวยแนว ดอกพิกุล ก็คือดอกแก้ว ไปเป๋นหองเปิ้นแล้วเหนอ (ดนตรี...)

      (หญิง) แต๋มเก๊าเนิ้ง กิ่งมันบ่ถอน บ่ไหวคอนเฟือน เตี้ยงหมั้นแต๊เล่า ต๋ามกำลม เปิ้นปัดออกเข้า มีแต่เก๊าไหวหวั่นคอนเฟือน กิ่งมันแต๊บ่แซเสลือน บ่เหมือนลมเจย ลำเพยก็จะนั้น  ใจ๋คำญิงนี้หนิมเตี้ยงหมั้น บ่เป๋นหองเปิ้น คนใด ยังเป๋นกระจกแว่นแก้วเงาใส บ่ไหวคอนเหงี่ยง จายเหนอ .....(ดนตรี).............

           (ชาย) ตั๋วปี้น้อยจักขอถาม...ต๋ามกำลมเปิ้นมาเล่าอู้ ว่านายมีจู๊ อยู่บ้านวังสิงห์คำ ฝ่ายตางปุ๊นเปิ้นมาใส่ผะจ๋ำ บ้านวังสิงห์คำ เปิ้นมาหมั้นก็ไว้แล้ว  ฝ่ายตางตั๋วน้องนางแว่นแก้ว ก็ตกลงแล้วบ่ไจ้กาหา เปิ้นจะ

กิ๋นแขก แต่งก๋านก็วิวาห์  เมื่อใดจา ปี้น้อยใคร่ฮู้เก๊า ส่วนไจยาบ่สมเปิงเจ้า เพราะเขียมเข้าของ เงินทอง ฝ่ายตางนาย บ่หมายเกี่ยวข้อง มาละหมองต่ำก๊อยเนอ......ดนตรี.....

      (หญิง) ตั๋วน้องนี้บ่ล่าไหลหลง ก๋านตกลงก็ยังบ่แล้ว จึงเจิญตั๋วปี้มาห้วยแก้ว เพราะใคร่ฮู้กำฟู่กำจ๋า จึงเจิญน้อยปี๊มาเปิ๊กษา จะว่าใดจา ตั๋วน้องก็ใครฮู้ ก๋านตี้มาฟู่อู้ จะเอาเป๋นจู๊กาว่าเอาเป๋นเมีย หรือจักลบล้าง ลืมลายหน่ายเสีย บ่เอาเป๋นเมีย หรือจักทิ้งเสียแล้ว หรือเอาเป๋นเมียนางจ๊างแก้ว อยู่เป๋นกู้ข้างเตียมคิง ขอบอกนายหื้อแน่ใจ๋จริง บ่อำพรางนาถน้องเหนอ........(ดนตรี).............

          (ชาย) บ่จุ๊หลอกน้อง หื้อหม่นหมองหมาง บ่ล่อลวงพรางแม่นางฮ่างแค้ว ปี้หมายเอาเป๋นเมียนางจ๊างแก้ว  บ่หื้อคลาดแคล้วเรื่องกำสีเนห์ หลอนแก้วน้องใจยังบ่เหว เตี้ยงสมคะเน เหมือนปี้ก็กึ้ดเล่า หลอนปี้จุ๊ก็ยังล่ายเจ้า ขอหื้อฟ้าผ่าหัวแม่เมียต๋าย ลูกแม่ญิงอู้เล่นก็บ่ดาย ลูกป้อจายอู้แต๊ก็บ่พลั้ง หลอนนายต๋ายไปเป๋นไก่ตั้ง ปี้น้อยจักต๋ายเป๋นคืน ฟู่บ่ถูกวันพูกก็บ่ขืน ฟู่มะคืนตึงบ่ขืนเมื่อเจ๊า  ก๋านฮักกั๋นหองข้าตึงเจ้า เผียบเหมือนเหล้ากับปาง  ปากกำใดปี้ก็ตึงอ้าง บ่ใจ้จ๋างจากน้องเนอ........(ดนตรี)....................  

        (หญิง) หลอนว่าแต๊เหมือนดังกำจ๋า น้องขอสัญญากับตั๋วปี้น้อย บ่ขอฮักไผซักเต๊ากึ่งก้อย ขอฮักปี้น้อยไจยานี้ก็คนเดียว คนอื่นนับร้อยตึงบ่แลบ่เหลียว จะขอฮักเดียวจายเดียวก็เต้านี้ หลอนว่าน้องจุ๊หรือ
สับปะหรี้ ขอหื้อฟ้าผ่าหัวพ่อผัวต๋าย ลูกแม่ญิงบ่ใจ้ว่าบ่ดาย ลูกป้อจายขี้จุ๊ก็แต๊ๆ  กิ๋นก็ยังตึงแก้ สะเรียมยำใส่แย้ บะเขือแจ้ยำใส่เตาหลอนปี้น้อยไจยาฮักแต๊ ข้าเจ้าก็ยินดีจิ่ม แต๊เหนอ.